ကုန်းဘောင်ခေတ် လွမ်းချင်းစာဆို သာဝတ္ထိဦးကြီး၏ ကဗျာများစုစည်းမှု

                         
လေး ထမ်း တဲ့ ဖေ    
===========                                              

တောင်ခါးပန်းရယ်နှင့်        
ခင်တန်းကုန်းငယ်မြှောင်
ကျော့ကွင်းကိုထောင်သည်
ခွေးညီနောင် တခင်ခင်နှင့်
ယုန်ရှင်ကို ဘမ်းခဲ့ပ          
လေးထမ်းတဲ့ သည်ဖေကို
တဲအိမ်နေကြင်သူက        
တအူအူ ဟစ်ခေါ်လို့
အမှာတော်ပါးလိုက်ရှာတယ်လေး ။

 အိမ်ကိုပြန်လျှင် အကျွန် ကျွနုပ်
ယုန်တတုတ်ကို ခွာဆုတ်ရေလှန်
ကျပ်ခိုးခံလို့
ပရန္န၀ါ ရွက်နုညှာကို
ဝါးပြာထည့်ကျို အိုးနားတိုနှင့်
ခပ်ချိုညစ်တေ ဆောင့်ကြောင့်ထိုင်မွှေလိုက်တယ်
ချိုပေစွ ဟင်းချိုကို စလောင်းတိုအခြေပဲ့ရယ်နှင့်
အာခေါင်မှာ ပူအောင်ထဲ့လို့ မျိုလှဲ့ကွဲ့လေး ။  ။    

 နှ မ လိပ် ပြာ ရွှင် စေ့ မယ်    
================                            

ခါတခေါက် ရွာရောက်ကယ်လှမ်းခဲ့ပ
သာတမ်းဖြင့်ရှိစေတော့ အမိတို့တောရွာအိမ်
သည်ချိန်ကို ပဲစင်အောက် လပြောက်မှာဗိုင်းငင်
ရွှေရင် အင်္ကျီသိုင်းလို့ တပိုင်းပိုကရိုနှင့်
အကို့ ကိုဘမ်းပြလိုက်မယ်လေး ။

တဘက်ကယ်မှောင်ကာ တခြမ်းဟာမှာ
နံ့သာလိမ်းကွက် လရောက်ပြက်မှာ
အသက်ကယ်နှင်းဆောင် ။

နွားခွံခင်းတဲ့တလင်းပြောင်ဝယ်
ရိပ်ရောင်မထင် လူခြေတိတ်ကိုမှ
ရွှေလိပ်ပြာရွှင်စေ့မယ်
ဦးရင်တို့မြို့သူလို တို့​တောမူတယ်မကြမ်းပါဘု
ခြေရေကုန်လည်ဆံကမ်းချိန်မှ ဘမ်းပမယ်လေး ။  ။

 ဒြပ် ကြီး သည့်   သ မီး ပျို ခင်  
=================                        

သာလွန်းလှသယ် အစ်မမယ်တို့ရွာ
အကာမှာ ပင်ဝါးရိုးငယ်နှင့်
အမိုးမှာထန်းရွက်တင်
ကြမ်းပြင်မှာအင်ပေါက်ခင်းပါလို့
ကာဝင်းမှာတော့နွယ်ဘူးလိမ်
ဆယ်အိမ်ခေါင်းတဲ့ မအေလေး
သမီးငယ်ပျိုခင် ဥစ္စာများလို့ ၀တ်စားငယ်ဆင်သယ်
အလိုမမြင်ဝံ့ပါလားနော်အဝေး ။

အဘိုးတန်ရာ ဆင်သည်မှာလဲ
ခပ်ပြာညွှန့်ပေါင်း တွင်းနားတောင်းနှင့် ရောင်မောင်းရိုးခံ
ရွှေချည်ဝတ်မှာ လက်စွပ်တွေရံလိုက်လို့
ခေါက်ပြန်ကျောရင် ကျောက်ပုတီးညီအောင်ဆင်လို့
အင်မတန့်အနေမှာ သူအမေဆယ်အိမ်မင်းပေမို့
တင်းလှတယ်လေး ။  ။

စိုး လှ ပါ တယ်  
=========                                                        
သပြေကသီးသနှင့်    
ရေကြီးငယ်ဘောင်ဘင်
ထွန်ရေးငယ်ငင်သည်
ပျို့ဦးရင် အပြန်ခက်ရှာလိမ့်
တဘက်က ချောင်းကာသည်
ရွှေညာမှာ ညိုတဲ့မိုးငယ်မို့
ပျိုစိုးတယ် မောင်ငဲ့လေး ။

ခါးမင်ကြောင်ငယ် ရွှေရောင်ဘယ်ဝေ့
အမယ်လေးဆိုတုန်းက ပျိုပုန်းလို့တွေ့သူမို့
တနေ့သာသာ တညဉ့်ကွာမူ
ဗျာပါသဲနင် တစ်နှစ်ထင်လို့
မရွှင်တမျှော် ရေရှင်တားလို့
ရက်အားပုံပေါ်ချည့် ချောင်းကျော်တဲ့လယ်နှယ်ကို
ကိုယ်တာတွယ် မစုံမက်သာဘူ့ တောတက်ဖေလေး ။  ။

ပေါ် မ လာ မျှော် ကာ ငို
==============                                

ထိမ်သဖန်းငယ်နှင့်        
လိမ်သန်းငဲ့ဖလံ
တယ်ပေါက်ကယ်သန်သည်
နယ်မြောက်ဌာန် ငါတို့တောဆီက
လေရောရာ မိုးတွေဆင်လျှင်      
မရွှင်လွမ်းလိုက်လှနော်အဝေး ။
စိမ်းမင်ကြောင်ငယ် ပေါင်တစ်ဖက်ထိုး
ကွက်ပုဆိုးနှင့် ရက်ပိုးမပါ
ပေါင်းပုဝါလည်း ခေါင်းမှာပေညစ်
ဗလပွေရစ်လို့ ထွေသစ်ကယ်မဆို
ကျည်းပင်လျှိုမှာ နှစ်ကိုယ်ယှဉ်တွေ့
မြင်သနေ့ရယ်က ကြင်ငွေ့ငယ်ဆုံသူ
အကျွန့်လူလည်း ရွှံ့ထူမြေတာ
ဟိုတစ်ရွာက ပေါ်မလာလို့
မျှော်ကာသာငိုမိတယ် ။
နေညိုစချိန်ဆီကို တိမ်အနီ ပြာ အကွက်ကယ်က
ညှာဘယ်ကိုသူမပေးလို့ ဆွေးလှတယ်လေး ။  ။

ပျိုး ခင်း က အ ပြန်
===========                                                    
ပီလ၀န်း  ကန်စွန်းနှင့်ကင်းပုံ
ကင်းအငုံ ပြင်းထုံထုံမိူသင်္ကန်းငယ်နှင့်
မောင်ဖမ်းတဲ့ လယ်ပုစွန်ကို  
အခွံကိုခွာမခွဲပါနဲ့ အထဲမှာအဆီကုန်ရော့
နီရုံချက်ပါ အမိရယ်လေး ။

တောခါချဉ်ကို လက်ငင်ကိုင်ဆုပ် ငါးပိဖုတ်နှင့်
လဲ့လုပ်ကဲ့နန်းသူ ပျုိးနှုတ်ရာယူခဲ့ပါ့
အိမ်သူရဲ့လမ်းတာကို
ပက္ကလာမော်ကာမပါလို့ မျှော်ပါ့မယ်လေး ။  ။

ပျော် ပုံ က သစ် သ နှင့်
==============                                    

ပျော်ပုံက သစ်သနှင့်
ငယ်ချစ်ကယ်လိုက်ခဲ့တော့
အကြိုက်ကတဲ့ တို့တောရွာမှာ
မိုးအကာ ပင်ယံထက်ဆီက
ထန်းရွက်နှင့်ဆင်သည့်အိမ်
ခြုံတင်းတိမ် နွားရေခင်းလို့
ညဉ့်တွင်းကို ပုလွေကျော်နှင့်
ဖျော်ပမယ်လေး ။

ကိုက်ဖူးငယ်ညွန့်စီ ချဉ်ပေါင်နီကို
ရာသီဓလေ့ ပုစွန်လုံးခွံဖုံးထေ့လို့
တောလေ့ငယ်တဆင် လယ်ကြွက်ကင်နှင့်
တို့ခွင်ဖရုံ ဟင်းဘက်စုံလှ
မင်းပုံထယ်ထယ် နေစာပျို့အစ်ကို့ကိုတည်ပမယ်
ဆောင်းနယ်ဝင်သည်ချိန်ကို ယစ်စည်းစိမ်အဆီဖိန်းလို့
မှိန်းစေ့မယ်လေး ။  ။

လက် ပံ ပွင့်
=======                                                          

လာဟေ့ ဒွါး ...
သွားကောက်ချည်စို့
ပွင့်ခြောက်ကယ်အနားလန်၊ဆက်ရက်ကယ်ညံ
ပင်လက်ပံကြွေချိန်ကျပြီမို့
မိဇံလှ နင်လိုက်အုံးမလား
သုံးစိတ်ဝင်ထန်းလျှော်တောင်းရယ်နှင့်
ပေါင်းလန်မှ ပြန်ကြမယ်လေး ။

 အရီးသာလုံးကြေးကိုင်တုံးက
တို့အိမ်တောင်က ကြန်စုံကုန်း
တနေ့တုန်းလဲကာသေ ။

သားရေနှင့်အမဲနံ လက်ပံနှင့်ချိုင်ရလျှင်
ကျိုနှိုင်လေ မွမွပျောင်းတာမို့
ပြောင်းဆန်အို မျိုမကျရယ်နှင့် မြိန်လှတယ်လေး ။  ။

 ချဉ် ပေါင် ညို
========                                              

အယဉ်ငယ်ကြီးပါတဲ့ ဇနီးရယ်ပျော်လို
ဖျဉ်းနားတိုတွင် ချဉ်ပေါင်ညိုပေါ်စဖူးရယ်နှင့်
ငါးလူးငယ်မျှင်မျှင် ကြေးမသင်ရေလုံပြုတ်ပါလို့
အင်ကုပ်ကယ်ကျယ်ကျယ်နှင့်
မင်းဘွယ်စိုးရ လောက်ပေလေး ။

လယ်ထွန်ပြန်တွင် နွားကန်ပစ်ချ
ဆာမွတ်ချိန်ကျသောကြောင့်
ဆံစလိပ်ခွေ ဖားလျားဝေနှင့်
အိမ်နေသူသက်ပန် ချက်ပြောင်းဆန်ကို
တပန်းကန်ကုန်အောင် တက်တက်သာပြောင်တော့
ကိုတောင်သူအနေ ပိုက်ဝမ်းရေပါတ်လည်ကျရယ်နှင့်
ယဉ်လှတယ်လေး ။  ။

စပ် ဟင်း ချို  
=======                                          

တစ်ခါလေလိုက်ခဲ့တော့ စရိုက်ကယ်ဘာသာ
တို့တောရွာမှာ စားစရာဆန်ထမင်းမှာလ
မုရင်းနီတျာနှင့် သီကာရောတဲ့ ချိန်ကိုလေး ။

စပ်ဟင်းချိုမူ ယုန်ကိုပြက်ပြက်
ကင်ပလင်း ဂုံမင်းဖက်လို့ ဗြုန်းစပ်ကာ ကျိုပြီးလျှင်
ဆီးချိုပင်ရိပ်သာမှာ နှစ်မျက်နှာယှဉ်ပြိုင်ပြုံးလို့
သုံးရအောင်လေး ။  ။

မောင် ကြီး တို့ ပျော် စံ ရာ  
===============                                          
မလွမ်း​ရော့သော်​​ကော့
ကျွန်း​မော့​မော့​မြောက်​ခွင်​
မူး​ရေယဉ်​ လက်ျာစီးပါလို့ ​မောင်​ကြီးတို့ ​ပျော်​တဲ့ရွာ
မြောက်​ညာနှင့်​ ​တောင်​စွယ်​လက်​ကယ်​က
အင်းနှစ်​ဖက်​ကာတယ်​​လေး ။

တစ်​​ခေါက်​ကယ်​လမ်းဆုံ
ရွာသ​ဘောကို ​ပြောမယုံ​သော်​
 ကြုံလျှင်​၀င်​ခဲ့ပါလား​နော်​ အ​ဝေး ။

နှမပြာဖြူ ရောက်​​တော်​မူလျှင်​
မပူခြမ်းငြိမ်​ အခြင်​ရယ်​​မြေနီး
ထန်းရွက်​ကယ်​စီးပါတဲ့
မောင်​ကြီးအိမ်​မှာ စည်းစိမ်​ငယ်​ခံ
ဟင်း​ချဉ်​​ပေါင်​ဖက်​ ပြုတ်​ဗူးရွက်​နှင့်​
ပိချက်​ကယ်​ရံပြီးလျှင်​ ဆန်​ထမင်း ရဲ​ကြော်​ကို
ဝန်​က​တော်​ ပုံ​လောက်​​ပြေး​အောင်​ ​ကျွေးပါ့မယ်​​လေး ။ ။                    
ဆယ်​ အိမ်​ မင့်​ စည်း စိမ်    
===============                                                    
စည်းစိမ်​ကြီးပါဘိ
ရုတ်​သီး​တောင့်​ကိုင်​ နှစ်​​ယောက်​ကယ်​ထိုင်​
ယှဉ်​လက်​ပြိုင်​ ကျယ်​စပျစ်​ကယ်​နှင့်​
ဖွယ်​သစ်​​မြေအင်​ရံလို့
ဇွန်းမတန်​ ကန်​​ယောက်​သွားငယ်​နှင့်​
ကြွက်​နဖား ပုန်းရည်​ကျိုသည်​
အလို​ဗျာ စားပုံတင့်​ပါဘိ
ခေါင်းမင့်​ဆယ်​အိမ်​​ပေမို့
အ​ခြေကြီးလှ​တောင်းကို​လေး ။

စား​သောက်​ဖွယ်​ရာ ပြီး​သောခါဝယ်​
ရသာချမ်းငြိမ်​ အခြင်​​မြေသက်​ ပင်​ထန်းရွက်​နှင့်​
ခေါင်​ပျက်​အိမ်​တွင်​
စည်းစိမ်​ကြီးရင်​ ​ခြေလိမ်​တင်​လို့
ခုတင်​ကြမ်း​ပေါက်​ သုံး​ချောက်​​ထောက်​မှာ
မှောက်ချီ လှန်​ချည်​
အဆီရယ်​ဖိန်း မှိန်းတဲ့ချည်​နှင့်​
မကြည်​သမ်း​ဝေ ထည်​မင်းပုံ​နေလိုက်​တယ်​
နွား​ရေပြန့်​အ​ပေါ်မှာ ​ခေါင်းက​တော်​ ကိုယ်​တိုင်​နှိပ်​ခါမှ
သူ အိပ်​တယ်​​လေး ။  ။  
         
ကိ န္န ရာ မောင် နှံ  
===========  
                                   
လူဓ​လေ့လိုပါ့
အ​တွေ့ရယ်​အာရုံနှင့်​ ကာမဂုဏ်​ခံစံ၍သာပါ့
မြိုင်​ယံမှာ ​မေတ္တာဖျန်းရှာကြ
ရှုစမ်းဖျာ့ထိပ်​​ခေါင်​ ။

ငှက်​အများတွင်​မှ
သနားငယ်​စရာပါ့ ရုပ်​​ရောင်​၀ါ အလွန်​လှ​ပေတဲ့
ကန္နရီ​မောင်​မယ်​တို့
မြင့်​ဟို​တောင်​ဆွယ်​စခန်းမှာလ
နွယ်​ငန်း နှစ်​ကိုယ်​ယှဉ်​၍
ငြိမ့်​ဧယင်​ သူတို့နွှဲရှာကြ
ခဲကြလူ့သွင်​ ။

ရူပါရုံသဏ္ဍန်​တင့်​ပါဘိ
ကံခွင့်​စီမံ၍ တိရစ္ဆာန်​သာဟု ဖြစ်​ရှာကြ
ချစ်​စရာ့​ပုံအပြင်​ မြင်​သူတို့မ​နော ။

နွှဲကာငယ်​ချီ ဖူးစီစီ ​ရွှေရင်​မို့ငယ်​နှင့်​
ဘယ်​သို့လျှင်​ ကြံ၍နီးပါရ
မကြီး ကိန္နရီ​မေတို့
ခုမ​သွေ  ကံသာဖက်​ချင်​​​တော့တယ်​
မင်းလူထက်​​ချော ။  ။
   
ယဉ် ပေ့ တော သူ    
===========                                    

လေပြည်​ငယ်​သုတ်​ပါလို့
ရွှေဘုတ်​ကယ်​အိုးအီ အုံ့မှိုင်းငယ်​ရီ
နေမီ​အောင်​ တခိုလှမ်းခဲ့ရ
ကောက်​ငန်းကသူပြန်​ပုံမှာ
ခတ္တာငုံ ပန်းနှစ်​ဆင့်​ငယ်​နှင့်​
ပန်းဝင့်​လို့ရွာကိုဝင်​
အမြင်​ဆန်းပါဘိတယ်​​လေး ။

ညဉ့်​ချမ်းရယ်​​နေရီ
ချိန်​​တော်​မီ ​ကေသီပန်းနှင့်​
ရေခပ်​လမ်းမှာ စခန်းသင့်​လို့
ထက်​ဆင့်​နီ​ရောင်​ ချည်​စိမ်း​ပေါင်​နှင့်​
ယဉ်​​အောင်​​တောသူ
သနပ်​ခါး ကွက်​ပါးမှာကူလို့
အမူကြီးကမ်းကုန်​ကို
ဘယ်​မြို့ပုံသာချင်​​သောရယ်​လို့
ပြောကြမယ်​​လေး ။

လွမ်း ပါ ဘိ ငယ် ကျွမ်း ၀င်
================                                                                                
အရောက်ခက်ပါဘိ
မြောက်ဖက်ကယ်တဲ့တို့တောရွာ  
ခုအခါ ရူ့စရာလယ်ညိုဝင်းချိန်မို့        
ဆယ်လျှိုတွင်းပြန့်ပြက်တောမှာ
ကန့်ပက်ကာဆူတဲ့ငါးရယ်နှင့်
အနားတွန့်ချဉ်ပေါင်နီကို  
ဒေါ်လီကျိုတဲ့ဟင်းကိုလေး ။

တလင်းကျယ်မှာ မင်းဖွယ်စိုးလောက်
နွားရေမခင်းမြေတလင်း ခွေထင်းခြောက်နှင့်
ခုံလောက်ကယ်ချ ဆန်နီမကို
တောင့်လှအောင်ချက် ကျွန်းဖက်ထက်မှာ
ခူးလက်ကယ်လျှင်စွာ ပြုပြီးကာမှ
အရသာကြီး ခြံစပ်သီးကို
မီးမှာမဖုတ် ညှာမဖြုတ်ဘဲ
ကဗျာတုတ်ဆောင်း
ဆုံဆိုးဆိုးမှာ ကျုိးအောင်ထောင်းလို့
စလောင်းငယ်လဘင် အဖုံးအင်နှင့်
ယခင်ချက်ဟင်းလျာကို            
ချွင်းမညှာအကုန်မှောက်ပါလို့
နှစ်ယောက်ပြိုင်မျိုနေကြဟာမို့    
ဟိုမြေက ငယ်ကျွမ်းဝင်ကို
နယ်မန်းခွင်စံတော်ကွန်းဆီက
လွမ်းလှတယ်လေး ။ ။

မောင် မ မြင် စမ်း စေ ရ    
==============                                                      
မိုးစရိုက်ပေမို့      
ပျိုးစိုက်ကယ်ပျော်ပျော်
လက်စားငယ်ခေါ်သည်    
မျက်ဝါးဖော်သူငယ်ချင်းတွေနှင့်            
လယ်ခင်းပြန့်သမန်းပြင်မှာ
အငန်းတွင်သူငါဆင်းပါလို့
မူရာချင်းမြို့သူမှီပေါင်      
တို့တူညီသံချိုတေးငယ်နှင့်
ဖန်ချိုအေးချိန်လောက်ဆီကို
အိမ်ရောက်မှီကြဲပြန်ရတယ်လေး ။

တို ထမီငယ် ဟိုဆီဖုံးရုံ
အလုံးခြုံလို့ ကုန်းပုံကညီ
ခေါင်းရေနှက်တဲ့ တဘက်နီနှင့်
ပလီလိုက်ထာ ။

ဂုတ်ပေါ်ရောက်တဲ့ဆံထောက်ဟာကို
တကြော့ချည်ရုံး လျှော့ရီထုံးလို့
ပွင့်လုံးငယ်ခတ္တာ ။

ယောင်မငိုက်အောင် ထောင်စိုက်ခါနှင့်
ကြိုက်ရှာတဲ့မောင်
မမြင်စမ်းစေရ ဘွင်ပန်းကာလောင်လိမ့်မယ်
တောခေါင်တဲ့ မြောက်ရွာကို
မရောက်လာမြို့တော်ယွန်းဆီက
ကန်သင်း​ခုံမို့မော်စွန်းကို လွမ်းလိမ့်မယ်လေး ။  ။